Upplifir þú stjórnleysi í lífi þínu og að þú ráðir ekki alltaf við aðstæður?

Hefur þú einhvern tíman velt því fyrir þér að þig langaði til og/eða þurfir á því að halda að skoða líf þitt, þ.e. hvert þú stefnir, hverjar tilfinningar þínar eru og hvernig þú getur bætt samskipti þín við annað fólk?

Vinir í bata er hópur fólks, karla og kvenna, sem tileinkar sér Tólf sporin sem lífstíl. Við höfum verið á okkar Andlega ferðalagi með öðru fólki og hvert með öðru og falið Guði að vera leiðsögumaðurinn. Við höfum fundið að vinna okkar í sporunum hefur leitt lækningu og bata inn í líf okkar og verið okkur andleg vakning. Þess vegna langar okkur að þú fáir líka að reyna bata og eitthvað nýtt inn í þitt líf og þínar aðstæður.

Komdu á kynningarfund í Kirkju Óháðra fimmtudaginn 9. september kl. 19.30. Fundurinn stendur yfir í tvo tíma en á honum færðu tækifæri til að kynnast því hvernig starfið fer fram og heyra reynslusögur fólks sem farið hefur hið Andlega ferðalag áður.

 Allir eru velkomnir,

 Vinur í bata

Fyrsta guðsþjónusta eftir sumarfrí verður sunnudaginn 22.ágúst og verður það kvöldguðsþjónusta sem hefst kl. 20.00.

Maul eftir messu.

Komum saman og stillum saman strengi eftir sumarfríið, endilega takið með ykkur gesti.

Jazzhátíð Reykjavíkur:

Kl: 16.00    Kirkja óháða safnaðarins, Háteigsvegur 54
Þakkargjörð. Vinir og velunnarar Björns R. Einarssonar básúnuleikara og hljómsveitarstjóra flytja honum þakkir í tali og tónum fyrir framlag hans til tónlistarlífsins.

Hin árlega fjölskylduferð Óháða verður farin miðvikudaginn 11.ágúst og verður farið í Guðmundarlund  þar sem svona vel tókst til í fyrra og voru mjög margir ánægðir.

Guðmundarlundur er mjög fallegur skógræktarreitur í eigu Skógræktar Kópavogs  og er hann fyrir ofan nýju hverfin í Kópavogi.

Mæting er kl. 18.00 og eru næg bílastæði þarna.

Grillaðar pylsur verða í boði safnaðarins ásamt drykkjum og svo mun Séra Pétur stjórna fjöldasöng eins og hans er von og vísa til.

Líkt og í fyrra verður  farið í leiki á flötinni, skotbolti, blak og fótbolta einnig er tilvalið að skella sér í gönguferð um skóginn eða skoða Hermannsgarð sem er stórglæsilegur reitur með fjölbreyttum fjölærum garðagróðri.

Allir hvattir til að mæta með stórfjölskylduna og skemmta sér í fallegu umhverfi með góðum hópi vina og vandamanna.

Guðmundarlundur er í stuttu máli sagt fyrir ofan Kórahverfið í Kópavogi og er farið upp með hesthúsabyggðinni, stefnið á Kórinn nýja íþróttahúsið en nánari lýsing er hér að neðan og er þið kíkið á neðsta linkinn þá ættuð þið að gera ykkur grein fyrir hvar hann er.

Leiðalýsing: ef farið er upp Breiðholtsbraut er beygt inn Vatnsendahvarf og ekið eftir honum þar til komið er að hringtorgi og keyrt út úr því á þriðju beygju, þá er ekið eftir Vatnsendavegi, haldið  áfram eftir honum og í gegnum tvö hringtorg, alltaf út  á annari beygju og við þriðja hringtorgið er ekið út  til vinstri ,þriðju beygju (sérð stórt glerhýsi þar) og ekið inn Þingmannaleið að fyrra hringtorginu og þar út í annari beygju og áfram að síðara hringtorginu og þar er beygt út á fyrstu beygju og svo strax til hægri þá erum við komin að hesthúsabyggðinni sem heitir Heimsendi og þaðan er ekið áfram eftir hvítum skiltum sem vísa á Guðmundarlund, síðasti hlutinn er á gömlum  malarvegi en er bara um 3 mín í akstri.  Endilega prentið þetta út og þá getur aðstoðarbílstjórinn lesið þetta upp á leiðinni ;o)

Nánari upplýsingar um Guðmundarlund er hægt að fá á síðu Skógræktarfélags Kópavogs.

http://www.skogkop.net/gudmundarlundur.htm

http://www.skogkop.net/photogallery/Gudmundarlundur-kort.pdf

Myndir frá ferðinni í fyrra má sjá hér á heimasíðunni undir Myndir og þar undir Guðmundarlundur 2009.

Endilega kíkið á og sjáið þvílík skemmtun þetta var.

Aðalfundurinn var haldin  sunnudaginn 25.apríl  og voru 25 manns sem sátu hann.

Gekk fundurinn mjög vel og eru helstu atriði hans að eftir lestur síðustu fundargerða var skýrsla formanns og því næst skýrsla gjaldkera og ársreikningar lagðir fram. Lagðar voru fram lagabreytingar og voru umræður um þær og gengið til atkvæða um breytingarnar eftir það. Guðrún Halla Benjamínsdóttir var endurkjörin formaður safnaðarins, Valdimar Ingibergur Þórarinsson og Guðlaug Björnsdóttir voru endurkjörin í stjórn og svo voru kjörnir tveir varamenn sem eru Helga Hansdóttir og Örn Zebitz.  Skoðunarmenn reikninga eru Hafdís Karlsdóttir og Ragnar Kristjánsson og til vara er Hólmfríður Guðjónsdóttir. Ragnar tók líka að sér að vera skoðunarmaður reikninga hjá gluggasjóði.

Tónlistarguðsþjónusta (þjóðlagamessa) verður sunnudaginn 25.apríl

kl. 14

FLutt verður þjóðlagamessa að sænskri fyrirmynd og svo mun tríóið flytja valin lög eftir jazzpíónistann Bill Evans. Tríóið skipa Þorgrímur Jónsson á kontrabassa, Scott McLemore á trommur og Árni Heiðar Karlsson á píanó.

Barnastarfið í umsjón Elíasar og Hildar verður á sama tíma.  Við hvetjum alla foreldra og forráðamenn barna að koma með börnin til kirkju og þannig gefa þeim tækifæri að taka þátt í starfi kirkjunnar.

Meðhjálpari er Ragnar Kristjánsson og að venju tekur Valur Sigurbergsson á móti gestum í anddyri kirjunnar.

Maul eftir messu.

Aðalfundur Óháða safnaðarins.

um kl. 15.30 hefst aðalfundur Óháða safnaðarins.

Fundarstaður Kirkjubær, safnaðarheimili Óháða safnaðarins.

Sjá dagskrá hér neðar á heimasíðunni.

Hlökkum til að sjá þig og þína og minnum á að ef þú vilt lifandi kirkju og blómlegt starf..þá er ekkert annað í boði en að mæta og taka þátt.

Aðalfundur safnaðarins verður haldinn sunnudaginn 25. apríl, eftir messu kl. 14 í safnaðarheimilinu Kirkjubæ.

Dagskrá aðalfundar:

1. Fundur settur

a) kjör fundarstjóra og fundaritara

2. Fundagerð síðasta aðalfundar lesin og lögð til samþykktar.

3. Skýrsla formanna

4. Skýrsla gjaldkera

5. Ársreikningar lagðir fram til samþykktar

6. Lagabreytingar

7. Kosning formanns

8. Kosning tveggja stjórnarmanna

9. Kosning varamanna

10. Kosning tveggja skoðunarmanna og varamanns

11. Önnur mál

12. Fundi slitið

Safnaðarfólk hvatt til að mæta og taka þátt í störfum safnaðarins.