Guðsþjónusta sunnudaginn 27. nóv kl. 14
og barnastarf á sama tíma.
Kór safnaðarins leiðir okkur í söngnum undir stjórn Árna Heiðars Karlssonar.
Séra Pétur Þorsteinsson þjónar fyrir altari og Petra Jónsdóttir er meðhjálpari.
Að venju er maul eftir messu og eru allir hjartanlega velkomnir
Aðventukvöldið okkar verður sunnudaginn 11. desember kl.20
nánar auglýst síðar.
Tónlistarmessa verður sunnudaginn 13 október kl: 14.00
og barnastarf á sama tíma.
Kór safnaðarins flytur létt lög við undirleik Árna Heiðars Karlssonar á píanó,
Birgis Bragasonar á kontrabassa og Eric Qvick á trommur.
Séra Pétur Þorsteinsson þjónar fyrir altari og meðhjálpari er Petra Jónsdóttir.
Í messunni verður látinna minnst.
Maul eftir messu og allir velkomnir.
Kvennakirkjan verður með messu kl. 20
Guðsþjónusta og barnastarf á sama tíma sunnudaginn 23.okt kl.14
Séra Pétur Þorsteinsson þjónar fyrir altari og kór safnaðarins leiðir sönginn undir stjórn Árna Heiðars Karlssonar.
Gengið verður til altaris.
Maul eftir messu að venju og allir hjartanlega velkomnir.
Samvera aldraðra verður hjá okkur sunnudaginn 16.október og hefst kl. 14.
Séra Pétur Þorsteinsson sér um stundina.
Boðið verður uppá kaffi og köku að lokinni stundinni í kirkjunni.
Allir hjartanlega velkomnir, ungir sem aldnir.
Sunnudaginn 9.október kl. 14 verður Kirjudagurinn haldinn hátíðlegur hjá okkur með fjölskylduguðsþjónustu.
Séra Pétur verður með galdra og Einar einstaki töframaður mun aðstoða hann.
Að lokinni messu verður Kvenfélagið með sína árlegu kaffisölu sem er þeirra aðal tekjulind.
Hvetjum við fólk til að fjölmenna og styrkja starf þeirra kvenna.
Að venju verða hlaðin kökuborð á báðum hæðum félagsheimilins Kirkjubæjar.
Hlökkum til að sjá ykkur öll og njótum dagsins saman.
Sunnudaginn 25.sept kl. 14 verður Jassmessa hjá okkur og barnastarfið verður á sama tíma.
Kór safnaðarins sér um sönginn en um undirleikinn sjá:
Árni Heiðar Karlsson á píanó og orgel
Birgir Bragason á kontrabassa
Eric Qvick á trommur
einnig koma fram:
Íris Lommerse söngkona og Ragnar Jóhannsson gítarleikari.
Maul eftir messu
Allir velkomnir og endilega takið með ykkur gesti og leyfið þeim að njóta þessara frábæru tónlistar.
Guðsþjónusta kl. 14 og hefst barnastarfið hjá okkur með því að Stoppleikhúsið sýnir leikritið „Jónatan og Pála – taka tvö“
Kór safnaðarins leiðir sönginn undir stjórn Árna Heiðars Karlssonar og sópransöngkonan Hulda Garðarsdóttir kemur og syngur fyrir okkur. Meðhjálpari er Laufey Waage.
Maul eftir messu og allir velkomnir.
Batamessa vina í bata hefst kl.17
Boðið verður upp á kaffi og smá hressingu á eftir, til frekari samfélagseflingar.
Upplifir þú stjórnleysi í lífi þínu og að þú ráðir ekki alltaf við aðstæður?
Hefur þú einhvern tíman velt því fyrir þér að þig langaði til og/eða þurfir á því að halda að skoða líf þitt, þ.e. hvert þú stefnir, hverjar tilfinningar þínar eru og hvernig þú getur bætt samskipti þín við annað fólk?
Vinir í bata er hópur fólks, karla og kvenna, sem tileinkar sér Tólf sporin sem lífstíl. Við höfum verið á okkar Andlega ferðalagi með öðru fólki og hvert með öðru og falið Guði að vera leiðsögumaðurinn. Við höfum fundið að vinna okkar í sporunum hefur leitt lækningu og bata inn í líf okkar og verið okkur andleg vakning. Þess vegna langar okkur að þú fáir líka að reyna bata og eitthvað nýtt inn í þitt líf og þínar aðstæður.
Komdu á kynningarfund í Kirkju Óháðra fimmtudaginn 8. september kl. 19.30. Fundurinn stendur yfir í tvo tíma en á honum færðu tækifæri til að kynnast því hvernig starfið fer fram og heyra reynslusögur fólks sem farið hefur hið Andlega ferðalag áður.
Allir eru velkomnir,
Vinur í bata
Þann 6.september kl.19:00 verður kynningarkvöld á 
grundvallaratriðum kristindómsins á Alfa 1 námskeiði.
Alls verða kvöldin 10 og hefjast með mat og stendur til kl. 22:00
Nánari upplýsingar og skráning hjá séra Pétri í síma 860-1955 eða á afdjoflun@tv.is
Guðmundarlundur 2011
Fjölskylduferðin okkar í Guðmundarlund tókst mjög vel og mættu um 100 manns og skemmtu sér vel saman.
Sigurjón og Ingi sáu um að grilla fyrir okkur og svo skemmtu börn og fullorðnir sér við leiki. Að lokum sá svo Pétur um fjöldasöng í brekkunni .
Fleiri myndir frá ferðinni eru undir liðnum myndir.
