Kvenfélag Óháða safnaðarins var stofnað 28.mars 1950. Fyrsti formaður þess var Álfheiður L Guðmundsdóttir árin1950-84, eftir það: Ágústa Erlendsdóttir 1984-89, Elsa Guðmundsdóttir 1989-96, Esther Haraldsdóttir 1996-2005 og núverandi formaður er Petra Jónsdóttir.
Kvenfélagið hefur allt frá stofnun gengt mjög mikilvægu og merkilegu starfi í þágu kirkjunnar. T.d. má geta þess að í upphafi hafi framlag kvenfélagsins til kirkjubyggingarsjóðsins verið rúmur helmingur þess sem kirkjubyggingin öll kostaði.
Helstu verkefni kvenfélagsins núna eru kaffisala á kirkjudaginn og hefur innkoma þessa dags farið í gjafir til kirkjunnar og voru síðast gefnar merktar sálmabækur.
Á vormisserinu er svo haldið Bjargarkaffið. Innkoma þessa dags fer í sjóðinn sem var stofnaður 1972 til heiðurs Björgu Ólafsdóttur fyrstu forstöðukonu Kirkjubæjar og hlutverk hans er að styrkja einstaklinga í söfnuðinum sem hafa í einn eða annan tima öðrum fremur orðið hjálparþurfi vegna uppáfallandi veikinda eða af öðrum sökum.
Kvenfélagskonur sjá um að klæða fermingarbörn í fermingarkyrtlana á þeim hátíðisdegi þeirra og gefur þeim nellikkur í barminn.
Um aðventu byrjun borðum við saman hangikjöt og meðlæti og skemmtum okkur saman við upplesur og pakkahappdrætti.
Stjórn kvenfélagsins:
Petra Jónsdóttir formaður
Selma Þorvaldsdóttir varaformaður
Hólmfríður Guðjónsdóttir gjaldkeri
Arna Björk Gunnarsdóttir ritari
Á myndina vantar Örnu Björku Gunnarsdóttur
