| Veturinn 2011 - 2012 munum við Hildur Björg og Elías halda áfram að kenna í sunnudagaskólanum. Í hverjum sunnudagaskóla kemur Georg gíraffi í heimsókn og segir okkur fullt af sögum. Hann opnar með okkur fjársjóðskistuna og síðan hlustum við á sögur úr Biblíunni. Einnig munu Hafdís og Klemmi, úr sjónvarpsefninu Daginn í dag, koma í heimsókn til okkar. Eftir það munum við svo halda áfram að skemmta okkur en það er venjan hjá okkur að föndra eða fara í leiki þangað til að fullorðna fólkið kemur úr messunni. Allir sem mæta í sunnudagaskólann fá fallega Biblíumynd með bænaversi aftan á.Við hvetjum alla krakka til að kíkja til okkar í vetur en við erum einnig afar ánægð þegar pabbar og mömmur, afar og ömmur koma með börnunum. Hlökkum til að sjá ykkur. Kveðja, Hildur Björg og Elías
|
Kirkja Óháða Safnaðarins
