Þjóðlaga- og þjóðbúningamessa og barnastarf verður sunnudaginn 24. apríl kl. 14 og maul eftir messu. Séra Pétur þjónar fyrir altari og Kristján stýrir kórnum sem ætlar að bjóða upp á tvíundasöng að íslenskum sið í tilefni dagsins. Minnum einnig á aðalfund safnaðarins eftir messu í félagsheimili kirkjunnar. Allir hjartanlega velkomnir.

15. apríl kl. 20:30, verður kvöldvaka á föstudaginn langa. Séra Pétur þjónar fyrir altari, Kristján stýrir kórnum og ræðumaður er Elín Halldórsdóttir leikkona.

17. apríl kl. 8:00, á páskadagsmorgun verður balletttjáning í umsjón Karenar Emmu Þórisdóttur. Séra Pétur þjónar fyrir altari og aðstoðarkonsertmeistari Sinfóníuhljómsveitar Íslands, Vera Panitch, leikur Vorið eftir Vivaldi á fiðlu við undirleik Kristjáns Hrannars organista. Óháði kórinn syngur hátíðartón Sr. Bjarna Þorsteinssonar og leiðir messusöng undir stjórn Kristjáns. Heitt súkkulaði og brauðbollur eftir messu.