Óháði kórinn leikur á als oddi og syngur jólalög eftir Queen, Baggalút og David Bowie auk hefðbundnu jólasálmanna undir stjórn Kristjáns Hrannars, einsöngvari er Bragi Árnason. Sr. Hjalti Jón Sverrisson, sjúkrahúsprestur á Landspítalanum, deilir jólahugvekju. Allir velkomir á meðan húsrúm leyfir, munum grímur og hugum að sóttvörnum. Við verðum með tvö sóttvarnarhólf, A í kirkjuni og B í safnaðarheimilinu ef á þarf að halda en þá þarf að ganga inn að austanverðu. Við verðum því miður að geyma smákökusmakkið.

Sunnudaginn 28. nóvember kl. 14 verður reggímessa og barnastarf, séra Pétur þjónar, Halldór Pálsson frá Gideonfélaginu predikar og Óháði kórinn leiðir messusöng undir stjórn Kristjáns Hrannars, slagverk er í höndum Óskars Kjartanssonar og Karls Kristjáns Davíðssonar. Allir velkomnir en við verðum með tvö sóttvarnarhólf og getum því vonandi tekið á móti öllum sem vilja koma. Ekki verður boðið upp á maul að þessu sinni. Munið að huga að sóttvörnum.