Kæru safnaðarfélagar, í ljósi aðstæðna þurfum við að breyta áætlaðri dagskrá í messunni á sunnudaginn. Allir sem haft hefur verið samband við, geta komið í kirkjuna til að minnast ástvina sinna, Pétur ritar hjá sér nafnið á ástvini ykkar og les síðan nöfnin upp í athöfninni.

Þið gangið inn í kirkjuna, leggið blómin á borð sem er inn í kirkjunni og gangið út að austan verðunni. Þannig getum við passað bilið. Á meðan á þessu stendur verður streymi í gangi og sent út á Facebook, því miður verður athöfnin á eftir án gesta og ekkert maul.

Þessi útsending verður kirkjusögulegur atburður sem vonandi verður aldrei endurtekinn aftur. Við verðum öll að standa saman í þessari baráttu.
Munum að gæta að sóttvörnum og fara varlega.

Stjórn Óháða safnaðarins

Messa verður í kirkju Óháða safnaðarins sunnudaginn 14. nóvember kl. 14. Látinna verður minnst og mun séra Pétur lesa upp nöfn þeirra sem látist hafa á árinu og ættingjar hafa óskað eftir. Þeir sem vilja geta lagt blóm á altarið, sem síðar verða færð eldri safnaðarfélögum víða um borg og bý.

Séra Pétur Þorsteinsson þjónar, Krisján Hrannar sér um tónlist og kór. Barnastarfið og maulið á eftir messu verður á sínum stað.

Ólafur Kristjánsson mun að venju taka vel á móti kirkjugestum og Guðrún Halla verður meðhjálpari.