Eins og okkar safnaðarfólki er kunnugt þá höfum við í Óháða söfnuðinum aldrei rukkað safnaðarfélaga um prestverk.

Það getur munað miklu fyrir heimilin þegar ekki þarf að greiða sérstakt gjald fyrir fermingar, hjónavíxlu eða skírn.

Núna hefur farið fram mikil umræða um að söfnuðir þurfi einnig að rukka fyrir kistulagningu, útfarir og jarðsetningu duftkerja en eins og önnur prestverk hjá Óháða söfnuðinum þá eru þessi verk greidd til prestsins af safnaðargjöldum safnaðarins og því þurfa safnaðarfélagar okkar heldur ekki að greiða fyrir þau störf.

Við bjóðum alla hjartanlega velkomna sem vilja ganga til liðs við okkur, hjá okkur eru prestverkin safnaðarfélögum að kostnaðrlausu.

Hægt er að skrá sig í söfnuðinn hjá Þjóðskrá www.skra.is.

Sunnudaginn 10. október kl. 14:00 verður galdramessa og vegleg kaffisala Óháða kórsins eftir messu.
Séra Pétur sér um messuhald og Óháði kórinn leiðir messusöng undir stjórn Kristjáns Hrannars organista sem mun jafnframt töfra fram galdratónlist úr hammondinum.
Einar Aron töframaður eða Einar Einstaki mun einnig koma og töfra fram einstök atriði fyrir gesti. Messan verður einnig í vefútsendingu.

Hlaðborð af alls kyns góðgæti verður á báðum hæðum, í maulinu, til styrktar Óháða kórnum. 2.000,- kr. verður rukkað fyrir alla eldri en 14 ára, 1.000,- kr. fyrir yngri kynslóðina, frítt fyrir allra yngstu börnin. Gott að hafa með sér pening því við erum ekki með posa.

Hlökkum til að sjá ykkur.